राडीपाखी पर्वद्धनका लागि महिलाहरुलाई राडीपाखी बुनाई तालिम

स्थानीय तह

गृहपृष्ठ
स्थानीय तह
राडीपाखी पर्वद्धनका लागि महिलाहरुलाई राडीपाखी बुनाई तालिम

राडीपाखी पर्वद्धनका लागि महिलाहरुलाई राडीपाखी बुनाई तालिम

मंगलबार, जेठ २, २०८० अरूण सन्देश

मकालु । सङ्खुवासभाको मकालु गाउँपलिकामा महिलाहरुलाई राडीपाखी बुनाई तालिम दिइएको छ । गरिवी निवारणका लागि लघु उद्यम विकास कार्यक्रम अन्र्तगत महिलाहरुलाई ४५ दिने तालिम दिइएको वडा ५ का वडा अध्यक्ष योगराज राईले जानकारी दिए ।
एक पकेट एक उत्पादनका लागि राडीपाखी बुनाई तालिम सञ्चालन गरिएकोे वडा अध्यक्ष राईले बताए । तालिमले महिलाहरुलाई आत्मनिर्भर बनाउन मद्धत पुग्ने उनको भनाई छ । मकालु गाउँपालिकाको उद्यम विकास शाखाको आयोजनामा राडीपाखी बुनाई तालिम दिइएको हो । मकालुको मांसिमामा भएको तालिमामा महिलाहरुको उत्साहजन सहभागिता हरेको थियो । तालिम सँगै महिलाहरुलाई चर्खा लगायतका राडीपाखी बुन्न आवश्यक पर्ने सामाग्री समेत वितरण गरिएको छ ।
भेडा पालन आम्दानीको श्रोत भएकाले मांसिमा भेडा पालन तर्फ आर्कषण बढ्न थालेको छ । चरन अभावमा कम हुन थालेको भेडा पालन प्रर्वद्धनका लागि स्थानिय सरकार योजना वनाएरै लागेको छ । ऊनको भावमा राडीपाखी बुन्नेहरुमा पनि कमी आएपछि गाउँपालिकाले तालिमको आयोजना गरेको हो ।