अरुण तेस्रो आयोजनाले सडक मर्मतमा ध्यान नदिएपछि मकालु गाउँपालिकाले बन्द गर्याे सडक

समाज

गृहपृष्ठ
समाज
अरुण तेस्रो आयोजनाले सडक मर्मतमा ध्यान नदिएपछि मकालु गाउँपालिकाले बन्द गर्याे सडक

अरुण तेस्रो आयोजनाले सडक मर्मतमा ध्यान नदिएपछि मकालु गाउँपालिकाले बन्द गर्याे सडक

मंगलबार, भदौ १४, २०७९ अरूण सन्देश

तस्विर सौजन्य ः गंगा विष्ट

सङ्खुवासभा । मकालु र चिचिला गाउँपालिकामा निर्माणाधिन नौ सय मेगावाटको अरुण तेस्रो जलविधुत् आयोजना स्थल जाने सडक अन्तर्गत मकालु गाउँपालिका खण्डको सडक मकालु गाउँपालिकाले बन्द गरेको छ । सडक मर्मतमा ध्यान नदिएको भन्दै आज(मंगलबार) बाट मकालु गाउँपालिकाले देउराली देखि आयोजना निर्माण स्थल सम्म हेभि सवारी साधनहरु सञ्चालनमा रोक लागएको हो ।
परियोजना विकास सम्झौता (पिडिए) अनुसार सडक सञ्चालनमा ध्यान नदिएको भन्दै हेभि सवारीसाधनहरु सञ्चालनमा रोक लगाएको मकालु गाउँपलिका अध्यक्ष ओङ्दी छिरिङ शेर्पाले बताए । पिडिएमा भएको सडक सम्झौताको बुँदा १०.११.२ अनुसार आयोजनाले ममर्त कार्य नगरेकोले सवारी साधन सञ्चानमा रोक लगाएको हो । कच्ची सडकमा हेभि सवारी साधन सञ्चालन गर्दा सडकको अवस्था अति जिर्ण भई साना सवारी साधन सञ्चालनमा समेत असहज भएको अध्यक्ष शेर्पाले जानकारी दिए । निर्माणधिन अरुण तेस्रो आयोजनले क्षमता भन्दा बढी सामान ढुवानी गरेका कारण सडक जिर्ण भएकाले आवतजातमा समेत कठिन भएपछि गाउँपालिकाले नै हेभि सवारी साधन सञ्चालनमा रोक लगाएको हो । पटक पटक सडक मर्मतका लागि अनुरोध गरिएको भएपनि वेवस्ता गरिकाले बाध्य भएर हेभि सवारीसाधनहरु सञ्चालनमा रोग लगाउन परेको गाउँपालिका अध्यक्ष शेर्पाको भनाई छ । अरुण तेस्रो आयोजना र सडक विभागले सडक मर्मतमा नगरे सम्म ठुला यातायत सञ्चालनमा रोक लगाउने उनि बताउँछन् ।
सडक जिर्ण हुँदा अत्यआवश्यक सवारी साधन समेत नचल्ने अवस्था सृजना भएपछि बन्द गर्न बाध्य भएको गाउँपालिका अध्यक्ष शेर्पाले बताए । बर्खा लागेसंगै सडक जिर्ण हुँदा एम्बुलेन्स जस्ता अत्यआवश्यक सवारी साधनहरु आवतजावत ठप्प हुने अवस्था भएपछि सडक मर्मतका लागि दवाव दिन ठुला सवारी साधन सञ्चालनमा रोक लगाउनु परेको उनको भनाई छ । किमाथांका–जोगवनी सडक अन्र्तगत खाँदबारी–मकालु पर्ने वर्षा र ठुला सवारीसाधन सञ्चालनका कारण सडक जिर्ण बनेको छ ।

प्रकाशित मिति: मंगलबार, भदौ १४, २०७९ १७:२५

प्रतिक्रिया दिनुहोस्