कांग्रेस अधिवेसन : प्रदेश १ मा संखुवासभाका उपसभापति सहित ६ जना निर्वाचित

राजनीति

गृहपृष्ठ
राजनीति
कांग्रेस अधिवेसन : प्रदेश १ मा संखुवासभाका उपसभापति सहित ६ जना निर्वाचित

कांग्रेस अधिवेसन : प्रदेश १ मा संखुवासभाका उपसभापति सहित ६ जना निर्वाचित

मंगलबार, मंसिर २१, २०७८ अरूण सन्देश

संखुवासभा । नेपाली कांग्रेसको १४ औं महाधिवेशन अन्तर्गत भएको प्रदेश कार्य समितिको अधिबेशनमा संखुवासभाबाट ६ जना निर्वाचित भएका छन् । प्रदेश नम्बर १ को नेपाली कांग्रेस प्रदेश कार्य समितीमा उपसभापतिमा टंक प्रसाद राई सहित ६ निर्वाचित भएका हुन्।
निर्वाचित राई ८ सय ४७ मत ल्याउँदै प्रदेश उपसभापति पदमा विजयी बनेका हुन् । उपसभापतिको दुई कोटामा ४ जनाको उमेद्वारी परेको थियो । राईसँगै अर्को कोटामा रमेश जंग रायमाझी निर्वाचित भएका छन् । रायमाझीले ८९० मत प्राप्त गरेका थिए । रायमाझी र राईले गोविन्द प्रसाद ढुङ्गाना र विश्वनाथ रिजाललाई पराजित गरेका हुन् ।
त्यसैगरी खुल्ला तर्फ सदस्यमा संखुवासभाका राजेन्द्र घले र भिम कुमार कार्की, जिल्ला क्लष्टरमा राम कुमार थापा र कमला गुरुङ्ग निर्वाचित भएका छन् । दलित महिलामा संखुवासभाकी सिर्जना शंकर निर्विरोध निर्वाचित भएकी छिन् ।
नेपाली कांग्रेस प्रदेश १ को सभापतिमा उद्धव थापा विजयी भएका छन् । पार्टीको केन्द्रीय राजनीतिबाट प्रदेशमा झरेका संस्थापनइतर समूहका नेता गुरुराज घिमिरेलाई २ मतअन्तरले पराजित गर्दै झापा कांग्रेसका पूर्वसभापति थापाले प्रदेशमा पार्टीको पहिलो नेतृत्व सम्हाल्ने अवसर पाएका हुन्। निर्वाचनबाट प्राप्त अन्तिम मतपरिणाम अनुसार निर्वाचित बनेका थापाले ८ सय ४४ मत प्राप्त गरे। उनका प्रतिस्पर्धी घिमिरेले ८ सय ४२ मत ल्याए। सभापतिमा पराजित बनेपछि नेता गुरुराज घिमिरेले पुनः मतगणना हुनुपर्ने माग राखेका छन्। संस्थापनइतर समूहका घिमिरे संस्थापन पक्षका उद्धव थापासँग झिनो मतान्तरले पराजित भएका हुन्। मतपरिणाम चित्त नबुझेको भन्दै घिमिरेले पुनः मतगणनाको माग राखेर केन्द्रीय निर्वाचन र प्रदेश निर्वाचन समितिमा निवेदन दिएका छन्।

प्रकाशित मिति: मंगलबार, मंसिर २१, २०७८ १६:४३

प्रतिक्रिया दिनुहोस्