खाँदबारी । गाउँ गाउँमा प्रलेस, टोलटोलमा साहित्य अभियान सङ्खुवासभाको खाँदबारीबाट सुरु भएको छ । प्रगतिशिल लेखक संघ(प्रलेस)को आयोजनामा शनिबार बाट गाउँ गाउँ तथा टोटोलमा साहित्यकार उत्पादन र प्रर्वद्धन गर्ने लक्षका साथ अभियान सुरु गरिएको प्रलेस अध्यक्ष ताराबहादुर बुढाथोकीले बताए ।
हामी गाउँलाई सुन्छौं, हामी गाउँलाई सुनाउँछौं ,राम्रो लेख्न सिकाउँछौ,राम्रो लेखे छपाउँछौं भन्ने नारा अभियान सुरु भएको हो । प्रलेस अध्यक्ष बुढाथोकीको सभापतित्वमा सम्पन्न उक्त कार्यक्रममा प्रमुख अतिथि नेकपा नेता सुनिता कार्की रहेकि थिइन्।
बालबालिकालाई कपी र कलम दिएर कविता लेख्न सिकाइयो। उनीहहरुले ठाउँका ठाउँ कविता लेखेर प्रस्तुत गरे । बालबालिकाहरुलाई कविता लेख्न सिकाएर लेखेर सुनाउन प्रेरित गर्नु कार्यक्रमको प्रमुख अभीष्ट रहेको अध्यक्ष बुढाथोकीलेले बताए। बिज्ञता खत्री, विनिषा खत्री, युनिषा घिमिरे, निर्मल भट्टराई, असिम बुढाथोकी, अनुप खत्री, सोनियल भट्टराइ, अजित बुढाथोकी, निर्मल भट्टराई लगायत कविता बाचन गरेका थिए। प्रतियोगितामा विग्यता खत्री,निसा खत्री ,असिम बुढाथोकी र अनुप खत्री क्रमशः प्रथम, द्वितीय, तृतीय र सान्त्वना स्थान हासिल गरे । विजयी कविहरुलाई पुरस्कार वितरण पनि गरियो ।
उक्त कार्यक्रममा वडासदस्य भूमादेवी पाण्डे, टोल बिकास संस्थाका अध्यक्ष नरबहादुर बुढाथोकी,आमा समूहको अध्यक्ष जानुका खत्री, प्रलेस प्रदेश सचिव राजेन्द्र सर्वहारा, जिल्ला उपाध्यक्ष रामप्र लम्साल, सहसचिव राम गुरुङ्,सदस्य गुरु सुवेदी,पत्रकारहरु, स्थानीय जेष्ठ आमाहरु, विभिन्न विद्यालयका शिक्षकहरु, विद्यार्थीहरु रहेका थिए। प्रलेस सचिव सनम थापाले सन्चालन गरेको कार्यक्रममा जनप्रतिनिधि भूमादेवी पाण्डेले स्वागत मन्तब्य राखिन्। नरबहादुर बुढाथोकी, राजेन्द्र सर्वहारा, जानुका लगायतले शुभकामनाा ब्यक्त गरे।
राम गुरुङ, गुरु सुवेदी, सनम थापा, तारा बहादुर बुढाथोकी लगायतले कविता प्रस्तुत गरे।
आस्थाहरु भत्काएर होइन आस्थाहरुको संवर्धन गरेर प्रगतिवादी आन्दोलन सशक्त रुपमा अघि बढाउनुपर्छ भन्ने दृष्टिकोणका साथ खाँदबारी ३ गुवाबारी गाउँ बिचको उखुबारीमा रहेको अमृतेश्वर महादेवको सभाहलबाट अभियानको आरम्भ गरेको र कार्यक्रमको उद्घोष गरेको अध्यक्ष बुढाथोकीले बताए । कार्यक्रमको व्यवस्थापन तथा पुरस्कार स्थानीय शिक्षक अमित खत्री, साउण्ड सिष्टम ,हल तथा फर्निचर मन्दिर व्यवस्थापन समितिले गरेको भूमादेवी पाण्डे खत्रीले बताइन् ।
टोलहरुले एकल तथा संयुक्त रुपमा व्यवस्थापन गरिदिने अनुरोध गर्दै प्रलेस आफ्नो प्रशिक्षण, प्रवचन तथा कवि गोष्ठी लिएर प्रस्तुत हुने योजना रहेको बताइन्छ। कला सा र साहित्यप्रति घट्दो आकर्षणलाई कम गरी देशभर श्रमजीवी जनताको वस्तीहरुमा श्रमप्रति सकारात्मक भावना जगाउन,सामाजिक सद्भाव र एकता बढाउन, अन्धविश्वास रहित आस्थाहरुको संवर्धनमार्फत सचेततापूर्वक दीगो विकास गर्न यस प्रकारको कार्यक्रम फलदायी हुने प्रलेस अध्यक्ष समेत रहेका ताराबहादुर बुढाथोकीले बताएका छन्।
