सङ्खुवासभाको मादीमा राष्ट्रिय खुला ब्याडमिन्टन प्रतियोगिता सुरु

खेलकुद

गृहपृष्ठ
खेलकुद
सङ्खुवासभाको मादीमा राष्ट्रिय खुला ब्याडमिन्टन प्रतियोगिता सुरु

सङ्खुवासभाको मादीमा राष्ट्रिय खुला ब्याडमिन्टन प्रतियोगिता सुरु

बिहीबार, फागुन २९, २०८१ भविन कार्की

मादी । सङ्खुवासभाको मादी नगरपालिकामा चौथो मादी राष्ट्रिय खुला ब्याडमिन्टन प्रतियोगिता सुरु भएको छ । आजदेखि मादी नगपालिकाको आयोजनामा ओखरबोटे बजारमा रहेको नगरपालिकाको कभर्डहलमा चौथो मादी राष्ट्रिय खुला ब्याडमिन्टन प्रतियोगिता सुरु भएको हो । पृथक पहिचान मादी नगरपालिकाको शान भन्ने नाराका साथ आजबाट ओखरबोटमा चौथो मादी राष्ट्रिय खुला ब्याडमिन्टन प्रतियोगिता सुरु भएको हो ।

चौथो मादी राष्ट्रिय खुला ब्याडमिन्टन प्रतियोगिताको उद्घाटन गर्नु हुदैँ कोशी प्रदेशका आन्तरिक मामिला तथा कानुन मन्त्री रेवतीरमण भण्डारीले मादीको पहिचान परिचयलाई स्थापित गर्दै पर्यटन प्रवधनमा सहयोग पुग्ने बताए । खेलकुदलाई स्थापित गर्न सके राष्ट्रिय तथा अन्तरराष्ट्रिय क्षेत्रमा चिनाउन मद्र्दत गर्ने मन्त्री भण्डारीले बताए । यस्ता खेलकुद प्रतियोगिताले स्वस्थ रहन र मनोरञ्जन समेत प्रदान गर्न भएकाले खेलकुद प्रतियोगिता आवश्यकता रहेको भन्दै प्रदेश सरकारले खेलक्षेत्रलाई प्राथमिकतामा राख्ने उनको भनाइ छ । त्यस्तैगरी प्रतियोगिताको उद्घाटन कार्यक्रममा बोल्न हुदैँ संखुवासभाका कोशी प्रदेशसभा सदस्य तथा नेकपा एमाले कोशी प्रदेशसभाका संसदीय दलका सचेतक विदुर सुब्बा लिङ्थेपले खेलकुद प्रतियोगिताले पर्यटन र अर्थतन्त्रलाई चलायमान बनाउने बताए । खेलकुद प्रतियोतिाले आन्तरिक पर्यटन र होटल ब्यवसाय मजबुत हुने सचेतक लिङ्थेपले बताए । प्रतियोगितामा कोशी,मदेश, बाग्मती र गण्डकी प्रदेशका विभिन्न चर्चित राष्ट्रिय खेलाडीहरुको सहभागी रहेको मादी नगरपालिका प्रमुख जीवन लिङ्थेपले बताए । प्रतियोगितामा पुरुष डबल, महिला डबल र पुरुष डबल भेटरन्स प्रतियोगिता सञ्चालन हुनेछ । पुरुष डबल तर्फका प्रथम, द्वितीय र तृतीय हुने २ टिमले ट्रफी, मेडल र प्रमाणपत्रसहित नगद ७५, ५० र २०/२० हजार रुपैयाँ प्राप्त गर्नेछन्। पुरुष डबल भेटरन्स तर्फका प्रथम, द्वितीय र तृतीय हुने २ टिमले ट्रफी, मेडल र प्रमाणपत्र सहित नगद ५०, ३० र १०/१० हजार रुपैयाँ प्राप्त गर्नेछन् । त्यस्तै महिला डबल तर्फ प्रथम, द्वितीय र तृतीय हुने २ टिमले ट्रफी, मेडल र प्रमाणपत्र सहित नगद ४०, ३०, १०/१० हजार रुपैयाँ प्राप्त गर्नेछ । ब्याडमिन्टन प्रतियोगितामा ५९ वटा टिमले सहभागिता जनाएको आयोजकले जनाएको छ । प्रतियोगिताको समापन चैत ३ गते हुनेछ ।

प्रकाशित मिति: बिहीबार, फागुन २९, २०८१ २१:१२

प्रतिक्रिया दिनुहोस्