सुन्तला फलफूलमा लाग्ने औसा किराको पहिचान तथा ब्यवस्थापन सम्बन्धी स्थलगत प्रविधि प्रचार प्रसार

समाज

गृहपृष्ठ
समाज
सुन्तला फलफूलमा लाग्ने औसा किराको पहिचान तथा ब्यवस्थापन सम्बन्धी स्थलगत प्रविधि प्रचार प्रसार

सुन्तला फलफूलमा लाग्ने औसा किराको पहिचान तथा ब्यवस्थापन सम्बन्धी स्थलगत प्रविधि प्रचार प्रसार

बुधबार, फागुन २८, २०८१ भविन कार्की

धर्मदेवी । सङ्खुवासभाको धर्मदेवी नगरपालिकामा सुन्तला जातको फलफूलमा देखिएको फल कुहाउने औसा किरा (झिगाँ) नियन्त्रणका लागि स्थलगत रुपमा प्रविधि प्रचार प्रचार कार्यक्रम गरिएको छ । आज धर्मदेवी नगरपालिका ४ याख्खा चोकमा विश्वविद्यालय र अनुसन्धान केन्द्रको समन्वयमा कृषकसँग स्थलगत रुपमा प्रविधि प्रचार प्रचार कार्यक्रम गरिएको हो । कृषि निर्देशानलय कोशी प्रदेश विराटनगरको आयोजना तथा धर्मदेवी नगरपालिकाको समन्वयमा सुन्तला खेती गरिरहेका कृषकलाई स्थलगत रुपमा प्रविधि प्रचार प्रचार कार्यक्रम गरिएको छ । सुन्तला फलफूलमा देखिने ढुषी र ब्याक्टेरिया जन्य रोगहरु (जरा कुहिने,पातको खराने रोग, कालो धब्बा) को पहिचान, नियन्त्रण र ब्यवस्थापनको लागि बोर्डो मिश्रण र बोर्डो पेस्ट बनाउने, प्रयोग गर्न समय र तयारीको बारेमा धर्मदेवीका सुन्तला कृषकलाई स्थलगत रुपमा प्रविधि प्रचार प्रचार कार्यक्रम गरिएको कृषि निर्देशानलय कोशी प्रदेश विराटनगरका अर्थ विज्ञ गणेश पौडेलले बताउनुभयो । सुन्तला कृषकलाई रासायनिक विषादी भन्दा प्राङ्गरिक विषादीको प्रयोगमा ल्याउन आवश्यकता भएका कारण कृषकलाई स्थलगत प्रचार प्रचार कार्यक्रम गरिएको कृषि निर्देशानलयका अर्थ विज्ञ पौडेलले बताउनुभयो । त्यस्तैगरी कार्यक्रममा सुन्तला कृषकलाई मलखाद ब्यवस्थापन मल प्रयोग गर्ने समय, मात्रा विधी र सिचाँई लगायत सुन्तलामा लाग्ने औसा किरा पहिचान नियन्त्रण सम्बन्धि छलफल गरिएको थियो । पछिल्लो सयम सुन्तलामा देखिएका विभिन्न प्रकोपका कारण सुन्तला उत्पादनमा समस्या देखिएको भन्दै सुन्तला कृषकले समस्या समाधानका लागि कृषि ज्ञान केन्द्र पालिमामा माग गर्दै आएका थिए ।

प्रकाशित मिति: बुधबार, फागुन २८, २०८१ २०:१४

प्रतिक्रिया दिनुहोस्