मकालु महोत्सव भोलि देखि नुममा

समाज

गृहपृष्ठ
समाज
मकालु महोत्सव भोलि देखि नुममा

मकालु महोत्सव भोलि देखि नुममा

मंगलबार, फागुन १३, २०८१ अरूण सन्देश

खाँदबारी । मकालु हिमाल आरोहणको ७० वर्ष पुरा भएको अवसरमा मकालुकाे नुममा भाेली देखि मकालु महोत्सव हुने भएकाे छ । मकालु गाउँपालिकाको आयोजनामा हुने मकालु महोत्सव तथा दक्षिण एसियाली साहित्यिक सम्मेलनको सम्पुर्ण तयारी पुरा भएको आयोजकले जनाएको छ।
महाेत्सव फागुन १४ देखि १७ गतेसम्म हुने महोत्सवको सम्पूर्ण तयारी पुरा भएको मकालु गाउँपालिका अध्यक्ष ओङ्दी छिरिङ शेर्पाले बताए । महोत्सवका अवसरमा भलिबल प्रतियोगिता, मकालु गाउँपालिकालाई विभिन्न क्षेत्रबाट योगदान गर्नेहरुलाई सम्मान, स्थानीय झाँकी प्रदर्शन, स्थानीय उत्पादनका स्टलहरु, साँस्कृतिक कार्यक्रम र साहित्यिक सम्मेलन गरिने भएको छ । विश्वको पाँचौ अग्लो हिमाल मकालु ८ हजार ४ सय ६३ मिटर रहेको छ । सन् १९५५ को मे १५ मा जिन फ्रान्को नेतृत्वको ‘फ्रान्स स्प्रिङ १९५५’ नामक आरोहण दलबाट जिन कोजी र लियोनर टेरी पहिलो पटक मकालुको शिखरमा पुगेका थिए ।

प्रकाशित मिति: मंगलबार, फागुन १३, २०८१ २१:४८

प्रतिक्रिया दिनुहोस्