विदुषी योगमाया हिमालयन आयूर्वेद विश्वविद्यालयकाको केन्द्रिय कार्यालय उद्घाटन

शिक्षा

गृहपृष्ठ
शिक्षा
विदुषी योगमाया हिमालयन आयूर्वेद विश्वविद्यालयकाको केन्द्रिय कार्यालय उद्घाटन

विदुषी योगमाया हिमालयन आयूर्वेद विश्वविद्यालयकाको केन्द्रिय कार्यालय उद्घाटन

सोमबार, माघ २१, २०८१ अरूण सन्देश

सङखुवासभा । विदुषी योगमाया हिमालयन आयूर्वेद विश्वविद्यालयको केन्द्रिय कार्यालय सङ्खुवासभाको खाँदाबरीमा उद्घाटन गरिएको छ । खाँदबारीमा रहेको जिल्ला समन्वय समितिको कार्यालयमा विश्वविद्यालयको केन्द्रिय कार्यालय सोमबारबाट संचालनमा आएको हो ।
विदुषी योगमाया हिमालयन आयूर्वेद विश्वविद्यालयको अध्यक्ष डा. अर्जुन कार्कीले कार्यालय उद्घाटन गरेका हुन् । विश्वविद्यालयको आफ्नै भवन निर्माण नभएकाले तत्काल कार्यलय सञ्चालनका लागि अस्थाई कार्यालय स्थापना गरिएको अध्यक्ष कार्कीले जानकारी दिए । पर्याप्त निति निर्माण हुन नसक्दा कर्मचारी नियुक्ति हुन सकेको छैन । कर्मचारी नभएकाले विश्वविद्यालय सञ्चालनमा अन्योलता छाएको अध्यक्ष कार्कीको भनाई छ । यस आयुर्वेद विश्वविद्यालय आयुर्वेद पढ्नेका लागि शैक्षिक हब बन्ने र जडिवुटीहरुको भण्डार रहेको अरुण उपत्याकामा आयुर्वेद विश्वविद्यालय सञ्चालनमा आउँदा यहाँका जडिवुटीहरुले मुल्य पाउने उनले बताए । विश्वविद्यालयका अध्यक्ष कार्कीको उपस्थितिमा जिल्ला समन्वय समितिको सभाहलमा विश्वविद्यालय निर्माण प्रकृयाका बारेमा छलफल कार्यक्रम समेत सम्पन्न भएको छ । अध्यक्ष कार्कीले विश्वविद्यालय स्थापनाका बारे भएका प्रगति विवरण, चुनौति तथा कानुनी जटिलताका बारेमा जानकारी गराए । कानुनी अडचनका कारण कर्मचारी, रजिष्टार तथा कुलपति समस्या भएको समेत बताए ।
विश्वविद्यालय सञ्चालनका लागि सङ्खुवासभा जिल्लाको खाँदबारी नगरपालिका–९ र भोजपुर जिल्लाको षडानन्द नगरपालिका– ६ मा जग्गा अधिग्रहण गरिएको छ । आवश्यकमध्ये भोजपुरमा दुई सय ३३ र सङ्खुवासभामा तीन सय ७२ रोपनी जग्गा अधिग्रहणका लागि रकम निर्धारण गरी अधिकाम्स जग्गा प्राप्ति भएको छ । भवनलगायतका भौतिक पूर्वाधार निर्माण कार्य भने अघि बढ्न सकेको छैन ।
तत्कालीन समाजमा विद्यमान अन्याय, अत्याचार, भ्रष्टाचार, महिला हिंसा, लैङ्गिक विभेद तथा जातीय उत्पीडन आदि विकृतिविरुद्ध योग, ध्यान र भजन कीर्तनका माध्यमबाट आध्यात्मिक तवरले आवाज बुलन्द गर्न विदुषी योगमाया न्यौपानेले महत्वपुर्ण भुमिका निर्वाह गरेकी थिइन् । न्यौपानेले समाज सुधारका लागि जीवनभर सङ्घर्ष गरेर आफ्ना ६७ जना अनुयायीसहित अरूण नदीमा जलसमाधि लिई प्राणको आहुति दिएकी थिइन् । क्रान्तिप्रतीक योगमायाको नाममा आयुर्वेद स्थापना गरेर पूर्वीय दर्शनमा आधारित हाम्रो मौलिक ज्ञानलाई युगसापेक्ष विस्तार गर्दै समाज रूपान्तरणमा योगदान पु¥याउने अभिप्रायका साथ विश्वविद्यालय सञ्चालन गर्न लागिएको हो ।

प्रकाशित मिति: सोमबार, माघ २१, २०८१ २१:५४

प्रतिक्रिया दिनुहोस्