आज दसौं राष्ट्रिय योग दिवस सङ्खुवासभामा पनि मनाईयो (तस्विरहरु सहित)

स्वास्थ्य

गृहपृष्ठ
स्वास्थ्य
आज दसौं राष्ट्रिय योग दिवस सङ्खुवासभामा पनि मनाईयो (तस्विरहरु सहित)

आज दसौं राष्ट्रिय योग दिवस सङ्खुवासभामा पनि मनाईयो (तस्विरहरु सहित)

मंगलबार, माघ १, २०८१ अरूण सन्देश

खाँदबारी । आज दसौं राष्ट्रिय योग दिवस सङ्खुवासभाको खाँदबारीमा पनि मनाइएको छ । जिल्ला योग समन्वय समिति सङ्खुवासभाको आयोजनामा सप्ताहव्यापी योग शिविर गरि योग दिवस मनाइएको हो । प्रत्येक वर्ष माघ १ गते राष्ट्रिय योग दिवस मनाइन्छ ।
स्वस्थ समाज समृद्ध नेपाल र विश्व शान्तिका लागि योग भन्ने भन्ने नाराका साथ मंगलबार खाँदबारी नगरपालिकाको सभाहलमा दिवस मनाइएको हो । योग सँग सम्बन्धीत प्लेकार्ड सहितको र्यालीले खाँदबारी परिक्रमा गरी सप्ताहव्यापी योग शिविरको समापन सहित योग दिवस मनाइएको छ । जिल्लामा क्रियाशील योग, ध्यान, प्रणायम र सत्सङ हुँदै आध्यात्मिक जागरणको क्षेत्रमा काम गर्दै आएका विभिन्न संस्थाहरुको समन्वयमा सप्ताहव्यापी योग, ध्यान, प्रणायम खाँदबारी नगरपालिकाका प्रत्येक वडामा सञ्चालन गरिएको जिल्ला योग समन्वय समितिका अध्यक्ष भिमबहादुर कट्टेलले जानकारी गराए । योग ध्यानलाई गाउँ, टोल, समुदाय हुँदै घरघर र व्यक्तिव्यक्ति सम्म पुर्याउन राष्ट्रिय योग दिवसको अवसरमा योग मार्फत स्वस्थ र समृद्ध समाज निर्माणका लागि जनचेतना फैलाउन योग सप्ताह शिविर सञ्चालन गरिएको कट्टेलले बताए ।
खाँदबारी नगरपालिकाका मेयर महेश थपलियाको प्रमुख आतिथ्यतामा भएको कार्यक्रममा योग प्रशिक्षहरुले योगका विभिन्न क्रियाकलापहरु प्रस्तुत गरे । कार्यक्रममा प्रमुख अतिथि मेयर थपलिया, विशिष्ट अतिथि प्रमुख जिल्ला अधिकारी विनोद कुमार खड्का लगायतले योगको उपयोगिताका बारेमा जानकारी दिदै स्वथ्य जीवनका लागि योग अनिवार्य रहेको बताए । हरेक उमेरसमूहका लागि योग आवश्यक भएको भन्दै योगबाट मानसिक रोगदेखि दीर्घ रोगसम्म निको हुने भएकाले योगको महत्व बढ्दै गएको बताएका छन् ।

yoga-(3)-1737358496.JPG
yoga-(4)-1737358519.JPG
yoga-(5)-1737358571.JPG