आइएमई लाइफ इन्स्योरेन्सकी सपना विश्वकर्मा दोस्रो पटक बनिन् एमडिआरटी

अर्थतन्त्र

गृहपृष्ठ
अर्थतन्त्र
आइएमई लाइफ इन्स्योरेन्सकी सपना विश्वकर्मा दोस्रो पटक बनिन् एमडिआरटी

आइएमई लाइफ इन्स्योरेन्सकी सपना विश्वकर्मा दोस्रो पटक बनिन् एमडिआरटी

मंगलबार, पुस १६, २०८१ अरूण सन्देश

खाँदबारी । आइएमई लाइफ इन्स्योरेन्स कम्पनी सङ्खुवासभा शाखाका अभिकर्ता सपना विश्वकर्मा मिलियन डलर राउण्ड टेबल (एमडिआरटी) सन् २०२५ को सदस्यमा बन्न सफल भएकी छन्। खाँदबारीकी विश्वकर्मा आइएमई मार्फत दोस्रो पटक एमडिआरटी सन् २०२५ को सदस्य बनेकी हुन् ।
उनी विश्वको अभिकर्ताहरुको अन्तराष्ट्रिय छाता संगठन एमडिआरटी २०२५ को सदस्यमा हुन सफल भएकी हुन् । एमडिआरटी बन्नका लागि व्यावसायिक लक्ष्य नेपालीहरुले न्युनतम पनि ४६ लाख ९२ हजार ९०० रुपैयाँ बीमा शुल्क आर्जन गर्नु पर्ने थियो । विश्वकर्माले ४७ लाख ४० हजार रुपौाया भन्दा बढी बीमा शुल्क आर्जन गरेको खाँदबारी शाखाका प्रमुख अनिल कुमार ओझाले जानकारी दिए । एमडिआरटीका लागि २०२४ को जनवरी १ देखि डिसेम्वर ३१ सम्ममा तोकिएको लक्ष्य पुरा गर्ने बीमा अभिकर्ता मात्रै छनौट हुने व्यवस्था थियो । एमडिआरटी सदस्य वनेका विश्वर्मालाई शाखा कार्यालय खाँदबारीले सम्मान पत्रद्धारा सम्मान गरेको छ । उनि पहिलो पटक आइएमईबाट सन् २०२३ को सदस्यमा बनेकी थिइन्। गत बर्ष आइएमई शाखाकै अभिकर्ता गेन्दा आङजुक भोटे एमडिआरटी बनेका थिए । सन् २०२५ को एमडिआरटी वैश्विक सम्मेलन चीनको मकाउ २४ देखि २७ अगस्ट २०२५ (२०८२ भदौ ८ देखि ११ गते) मा हुनेछ।
एमडिआरटीका अनुसार सन् २०२६ का लागि योग्य हुन नेपालका अभिकर्ताले कुल ५३ लाख ९६ हजार ७ सय रूपैयाँ बीमाशुल्क आम्दानी गर्नुपर्नेछ। एमडिआरटीको लागि योग्य हुन एकल बीमाशुल्कवापत संकलित रकमको ६ प्रतिशत मात्र गणना हुन्छ। नयाँ घोषित लक्ष्यवापतको रकम सन् २०२५ का लागि तोकिएको लक्ष्यभन्दा अभिकर्ताले सन् २०२६ का लागि योग्य हुन अझ बढी रकम बीमाशुल्क वापत संकलन गर्नुपर्ने भएको छ।
एमडिआरटी विश्वभरका व्यवसायीक वित्तीय सल्लाहकारहरुको साझा स‌ंगठनको रुपमा हेरिँदै आएको छ। यस अन्तर्गत आबद्ध सदस्यहरुले वर्षमा एक पटक विश्वव्यापी सम्मेलनमा सहभागिताको अवसर प्राप्त गर्छन् ।

प्रकाशित मिति: मंगलबार, पुस १६, २०८१ २०:४९

प्रतिक्रिया दिनुहोस्