नेपाल राष्ट्रिय शिक्षक संगठन खाँदबारीको अध्यक्षमा भेषराज न्यौपाने

राजनीति

गृहपृष्ठ
राजनीति
नेपाल राष्ट्रिय शिक्षक संगठन खाँदबारीको अध्यक्षमा भेषराज न्यौपाने

नेपाल राष्ट्रिय शिक्षक संगठन खाँदबारीको अध्यक्षमा भेषराज न्यौपाने

शनिबार, पुस १३, २०८१ अरूण सन्देश

खाँदबारी । नेपाल राष्ट्रिय शिक्षक संगठन खाँदबारी नगर समितिको अध्यक्षमा भेषराज न्यौपाने चयन भएका छन् । शनिवार सम्पन्न संगठनको पाँचौ नगर अधिवेशनले न्यौपानेको अध्यक्षतामा २१ सदस्यीय समिति चयन गरेको हो ।
समितिको उपाध्यक्षहरुमा भुवन हलिदे र उषाकिरण दाहाल, सचिव सनम थापा, कोषाध्यक्ष सुनिल राई, सह सचिव अनिता पन्त र सह कोषाध्यक्षमा रमा घिमिरे चयन भएको निर्वाचन मंडलकी बेदकुमारी रिमालले जानकारी दिइन् । खाँदबारी नगर समितिका अध्यक्ष रामकुमार घिमिरेको अध्यक्षतामा अधिवेशनको खुल्लाशत्र सम्पन्न भएको हो । अधिवेशनको अवसरमा सेवानिवृत शिक्षकहरुलाई सम्मान, खाँदबारी नगरस्तरीय कक्षा ८ को परिक्षामा उत्कृष्ट एक छात्रा र एक छात्रलाई पुरस्कृत गरिएको छ । सोही अवसरमा खाँदबारी नगरभित्रका उत्कृष्ट एकजना शिक्षकलाई प्रसंशित समेत गरिएको छ ।
शिक्षक संगठनका केन्द्रिय समिति उपाध्यक्ष सुर्य दाहालको प्रमुख आतिथ्यतामा भएको अधिवेशनमा संगठनका कोशी प्रदेश उपाध्यक्ष गोविन्दमान तामाङ लगायतका शिक्षक प्रतिनिधि तथा खाँदबारी नगरभित्रका संगठनमा आवद्ध शिक्षकहरुको उपस्थिति रहेको थियो । त्यसैगरी शिक्षक संगठनका जिल्लाा अध्यक्ष विश्वनाथ सुवेदी, नेपाल शिक्षक महासंघका जिल्ला अध्यक्षा शेरबहादुर पुरी लगायतको उपस्थिति रहेको थियो ।

प्रकाशित मिति: शनिबार, पुस १३, २०८१ २०:४३

प्रतिक्रिया दिनुहोस्