वर्तमान सरकारको विकल्प निर्वाचन मात्रै हो : उर्जामन्त्रि खड्का

राजनीति

गृहपृष्ठ
राजनीति
वर्तमान सरकारको विकल्प निर्वाचन मात्रै हो : उर्जामन्त्रि खड्का

वर्तमान सरकारको विकल्प निर्वाचन मात्रै हो : उर्जामन्त्रि खड्का

मंगलबार, पुस ९, २०८१ अरूण सन्देश

ऊर्जा, जलस्रोत तथा सिँचाइमन्त्री दीपक खड्काले वर्तमान सरकार नढल्ने बताएका छन् । मंगलबार सङ्खुवासभा सदरमुकाम खाँदबारीमा नेपाल प्रेस युनियनले आयोजना गरेको पत्रकार सम्मेलनमा मन्त्री खड्काले वर्तमान एमाले कांग्रेसको गठबन्धन सरकार कुनै पनि हालतमा नढल्ने र सरकारको विकल्प निर्वाचन मात्र रहेको बताए ।
कांग्रेसका संस्थापक तथा पूर्वप्रधानमन्त्री कृष्णप्रसाद भट्टराईको १०१ औँ जन्मजयन्ती र पार्टीको सय दिने सांगठनिक अभियान घोषणा कार्यक्रमका लागि गृह जिल्ला आएका मन्त्रि खड्काले मुलुकका दुई ठुला दल नेपाली कांग्रेस र नेकपा एमालेको गठबन्धनको सरकार भएकाले कसैले चाहँदैमा वर्तमान सरकार नढल्ने दावी गरे । मन्त्री खड्काले भने–“यो सरकार मजवुद सरकार हो, यो सरकार आगामी निर्वाचन २०८४ को मंसिर सम्मका लागि गठित सरकार हो । आलोपालोका सरकार भएकाले जसरी सम्झौता भएको छ, त्यही अनुसार आफ्नाे काम यो सरकाले गर्छ ।” कहिले भारतबाट फर्किएपछि ढल्छ, कहिले चीनबाट फर्किएपछि ढल्छ भनेको सुन्छु तर यो सरकार कसैले चाहँदैमा ढल्दैन । मन्त्री खड्काले भने ।
त्यसैगरी मन्त्री खड्काले गरिबीको रेखामुनि रहेका नेपालीहरूलाई जलविद्युतमा निःशुल्क सेयर हाल्ने वातावरण तयार गर्ने बताएका छन् । सङ्खुवासभालीले प्रत्यक्ष लाभ लिने गरी १०६१ मेगावाटको अपर अरुण जलविद्यत आयोजनाबाट स्थानीयलाई निःशुल्क रूपमा सेयर सुनिश्चित गर्ने काम अगाडि बढाएको बताए । माथिल्लो अरुण जलविधुत् आयोजना जिल्लाबासी सबैको सेयर सुनिश्चित गरिने मन्त्रि खड्काको भनाई छ । श्रोत माथी सबैको अधिकार बाराबार रहेकाले पैसा नभएकै कारण कोही पनि आयोजनामा सेयर हाल्नबाट बन्चित नहुने उनले बताएका छन् । अपर अरुणमा जनताको लगानि समेत समावेश गरेर आयोजनको काम अगाडि बढाइने उनको भनाईछ । आयोजनालाई घितो बनाएर सस्तो व्याजमा ऋण प्रवाह गर्ने गरि वल्डबैंक सँग समन्वय गरिएको बताउँदै मन्त्री खड्काले अव कोही पनि जलविधुत लगायतका आयोजनाको सेयर सुनिश्चत गर्नलगेको बताए । यसबाट जनतालाई विधुत क्षेत्रको मालिक बनाउने सरकारको योजना रहेको उनले जानकारी दिए ।

प्रकाशित मिति: मंगलबार, पुस ९, २०८१ २०:४८

प्रतिक्रिया दिनुहोस्