पर्यटकयि क्षेत्र (टिएमजे) र मकालुमा नवनिर्मित प्रहरी चौकी उद्घाटन

समाज

गृहपृष्ठ
समाज
पर्यटकयि क्षेत्र (टिएमजे) र मकालुमा नवनिर्मित प्रहरी चौकी उद्घाटन

पर्यटकयि क्षेत्र (टिएमजे) र मकालुमा नवनिर्मित प्रहरी चौकी उद्घाटन

बिहीबार, मंसिर २०, २०८१ भविन कार्की

संखुवासभा, तेह्रथुम र ताप्लेजुङको संगम स्थल तीनजजुरे मिल्के जलजले (टिएमजे) क्षेत्रमा प्रहरी चौकी उद्घाटन भएको छ । जिल्ला प्रहरी कार्यालय मातहतका दुई वटा प्रहरी चौकी उद्घाटन भएका छन् । भवन नहुँदा विभिन्न समस्या भोग्दै आएका प्रहरीका लागि हालै सुविधा सम्पन्न भवन निर्माण सम्पन्न भएको छ । लामो समयसम्म भाडाको घरबाट सेवा गरिरहेका प्रहरी भवन निर्माण सम्पन्न भएपछि आफ्नै प्रहरी कार्यालयमा बसेर सेवा गर्न थालेका छन् । जिल्ला प्रहरी कार्यालय संखुवासभा मातहतमा रहेको मादी नगरपालिका – १ मङ्गलबारेमा नवनिर्मित कार्यालय भवनको उद्घाटन भएका छन् । गुराँसको राजधानी भनेर चिनिने पर्यटकिय क्षेत्र तीनजजुरे मिल्के जलजले (टिएमजे) क्षेत्रमा स्थापना भएपछि स्थानियले खुसी ब्यक्त गरेका छन् ।
सङ्खुवासभा, तेह्रथुम र ताप्लेजुङको संगम स्थल मङ्गलबारेमा स्थापना भएको प्रहरी चौकीले आन्तरिक पर्यटन प्रवद्धनमा सहयोग पुग्ने प्रहरी नायब महानिरीक्षक (डिआईजी) चन्द्र कुवेर खापुङले बताए । भवनको उद्घाटन गर्दै प्रहरी नायब महानिरीक्षक खापुङले नेपाल प्रहरीलाई पूर्वाधार, सीप, सुविधा र प्रविधिमा अब्बल बनाउँदै लैजानुपर्ने बताए । प्रहरीले उच्च मनोबल प्राप्त हुने र नागरिकमैत्री सेवा प्रवाह गर्न पूर्वाधारको ठूलो भूमिका हुने डिआईजी खापुङले बताए । भवन उद्घाटन कार्यक्रममा बोल्नु हुँदै डिआईजी खापुङले साइवर क्राइमको समस्या समाधान गर्न ठाउँ परिवेश अनुसारको सचेतना आवश्यकता भएको बताए । साइवर क्राइमबाट पछिल्लो समय गाउँका महिला र बालबालिका पीडित भएको बताउनुभयो । डिआईजी खापुङका अनुसार साइवर क्राइमको समस्या समाधान गर्न प्रहरी ठाउँ परिवेश अनुसारको सचेतना कोर्ष ल्याउने बताए । साढे दुई तले प्रहरी चौकी भवन भ्याट सहित १ करोड ५२ लाख ९६ हजार रुपैयाँको लागतमा निर्माण गरिएको हो । उक्त भवन बिनायक निर्माण सेवा चैनपुरले निर्माण गरेको थियो ।
त्यस्तैगरी मकालु गाउँपालिका –५ स्थित नुममा पनि प्रहरी चौकी उद्घाटन भएको छ । मकालु –५ नुममा नवनिर्मित प्रहरी चौकी प्रहरी नायब महानिरीक्षक (डिआईजी) खापुङले उद्घाटन गरेका हुन् । राज्यको सेवा जनताको घरघरमा पु¥याउने उदेश्यले प्रहरी चौकी स्थापना गरिएको जिल्ला प्रहरी कार्यालयका प्रहरी नायव उपरीक्षक दक्ष कुमार बस्नेतले बताए । दुई वटा प्रहरी चौकीका लागि नयाँ भवन निर्माण सम्पन्न भएसँगै अब जनतालाई सरल र सहज रूपमा सेवा दिन सजिलो हुनेछ प्रहरी नायव उपरीक्षक बस्नेतले बताए । नुमको प्रहरी साढे दुई तले प्रहरी चौकी भवन भ्याट सहित १ करोड ४५ लाख ३० हजार रुपैयाँको लागतमा निर्माण गरिएको हो । भवन उद्घाटन कार्यक्रममा जिल्ला समन्वय समिति उपप्रमुख बविता अधिकारी,मादी नगरपालिका जिवन लिङ्थेप,उपप्रमुख सुनिता दाहाल,साहयक प्रमुख जिल्ला अधिकारी मोहनमणी घिमिरे लगायतका उपस्थिती रहेको थियो ।

प्रकाशित मिति: बिहीबार, मंसिर २०, २०८१ १८:१३

प्रतिक्रिया दिनुहोस्