शैक्षिक महासम्मेलनमा सहभागी शिक्षकहरुलाई सम्मान

समाज

गृहपृष्ठ
समाज
शैक्षिक महासम्मेलनमा सहभागी शिक्षकहरुलाई सम्मान

शैक्षिक महासम्मेलनमा सहभागी शिक्षकहरुलाई सम्मान

बिहीबार, असोज ३, २०८१ अरूण सन्देश

खाँदबारी । ब्रहमाकुमारी राजयोग सेवा केन्द्र खाँदबारीले १६ जना शिक्षकहरुलाई सम्मान गरेको छ । शैक्षिक महासंमेलनमा सहभागि भएका खाँदबारीका १६ जना शिक्षकलाई एक कार्यक्रम विच ब्रहमाकुमारी राजयोग सेवा केन्द्र खाँदबारीले आज सम्मान गरेको हो ।
भारतको राजस्थानमा रहेको ब्रहमाकुमारी माउण्ट आबुमा आयोजित शैक्षिक महासम्मेलनमा सहभागी खाँदबारीका १६ जना शिक्षक सहित १९ जनालाई सम्मान गरिएको छ । भाद्र २० देखि २४ गते सम्म सञ्चालित सहासम्मेलनमा सहभागि शिक्षकहरुले सम्मान कार्यक्रममा ज्ञान समिक्षा र अनुभव आदनप्रदान गरेका छन् । कार्यक्रममा महासम्मेलनमा सहभागि पूर्व शिक्षा बिकास तथा समन्वय इकाइ संखुवासभा प्रमुख केशव भट्टराई र महेन्द्र मावि मानेभञ्ज्याङ् का प्रधानाध्यापक मेदिनी घिमिरेले महासम्मेलनका अनुभव र सिकाईका बारेमा जानकारी गराए ।
ब्रहमाकुमारी राजयोग सेवा केन्द्र खाँदबारीकी प्रमुख रचना आचार्यको अध्यक्षतामा भएको सम्मान तथा स्नेह मिलन कार्यक्रमको प्रमुख अतिथि शिक्षा बिकास तथा समन्वय इकाइ संखुवासभाका प्रमुख गोपालमान भण्डारी रहेका थिए । प्रमुख अतिथि तथा अतिथिहरुले शैक्षिक महासंमेलनमा सहभागिहरुलाई प्रमाण पत्र सहति सममान गरे । कार्यक्रम प्रमुख अतिथि भण्डारी, खाँदबारी नगर शिक्षा प्रमुख दिपकमणि घिमिरे, शिक्षक महासंघ जिल्ला अध्यक्ष सेरबहादुर पुरी लगायतले महासंमेलनमा सहभागि शिक्षकहरुलाई बधाई दिदै सिकेका कुराहरुलाई ब्यवहारमा लागु गर्दै शैक्षिक सुधारमा योगदान दिन अनुरोध गरेका छन् । ५ दिन सम्म सञ्चालित शैक्षिक महासंमेलनमा शिक्षकहरुलाई असल आचरण, नैतिकता, व्यवहारमा असल परिर्वतन कसरी गर्ने भन्ने विषयमा कक्षा सञ्चालन भएको थियो ।
ब्रहमाकुमारी राजयोग सेवा केन्द्र खाँदबारी कार्यालयमा भएको कार्यक्रम ब्रहमाकमारी राजयोग सेवा केन्द्र तेह्रथुमका एकराज ढकालले सञ्चालन गरेका थिए ।

प्रकाशित मिति: बिहीबार, असोज ३, २०८१ २२:०१

प्रतिक्रिया दिनुहोस्