नीतिगत सुधारका काम गर्दै प्रदेशको औचित्य पुष्टी गर्नु आजको कार्यभार : सामाजिक विकास मन्त्री कार्की

राजनीति

गृहपृष्ठ
राजनीति
नीतिगत सुधारका काम गर्दै प्रदेशको औचित्य पुष्टी गर्नु आजको कार्यभार : सामाजिक विकास मन्त्री कार्की

नीतिगत सुधारका काम गर्दै प्रदेशको औचित्य पुष्टी गर्नु आजको कार्यभार : सामाजिक विकास मन्त्री कार्की

सोमबार, फागुन ७, २०८० अरूण सन्देश

पत्रकार सम्मेलन

सङ्खुवासभा । नीतिगत सुधारका काम गर्दै परिमाण निकाल्नु आजको आवश्यकता रहेको छ । संघियताको कार्यान्वयन गर्दै प्रदेशको औचित्य पुष्टी गर्नका लागि सामाजिक र मानवीय विकासका क्षेत्रमा काम गर्ने कोशी प्रदेश सरकारका सामाजिक विकास मन्त्री राजेन्द्र कार्कीले साेमबार पत्रकार सम्मेलनमा बताएका हुन् ।
आज सङ्खुवासभाको होराइजन होटलमा प्रेश सेन्टर सङ्खुवासभाले गरेको पत्रकार सम्मेलनमा बोल्दै मन्त्री कार्कीले भने – ‘युवाहरु पलायन तथा विकृती तर्फ लागिरहेका छन् । युवाहरुलाई खेलकुदसँग जोड्दै खेलकुदको विकास गर्ने तर्फ ध्यान दिने बताए ।’
शिक्षा, युवा, खेलकुल, महिला, बालबालिका, जेष्ठ नागरिक र संस्कृतीको क्षेत्रमा विभिन्न भाषा र धर्मसँग सम्बन्धित कामहरु गर्नुपर्ने आवश्यक बताउदै श्रम र रोजगार क्षेत्रका कामहरुमा लाग्ने जनाएका छन् ।
प्रदेशका विभिन्न निकायबाट दिनुपर्ने सेवा प्रवाहमा जनतालाई असहजता महसुस हुन नदिने मन्त्री कार्कीको भनाई रहेको छ । यस्तै शिक्षा क्षेत्रमा नीतिगत सुधार गर्दै रोजगारीमुलक शिक्षाका लागि व्यवसायिक बनाउदै सबै जिल्ला र पालिकामा विस्तार गर्ने योजना निर्माण गरिएको बताएका छन् । सामुदायिक विद्यालयको गुणस्तरमा बृद्धि गर्नका लागि नयाँ कामको थालनी गर्दै आवश्यक नीति निर्माण गर्नेमा जोड दिएका छन् । काेशी प्रदेशमा प्रदेश प्रज्ञा प्रतिष्ठान गठन गरिने कुरा मन्त्री कार्कीले बताएका छन् ।
प्रदेश अन्तर्गत रहेका सम्पुर्ण मन्त्रालयसँग समन्वय गरेर जिल्लामा आवश्यक रहेको विकास निर्माणको कामका लागि पहल गर्ने बताउदै सङ्खुवासभाका जनताहरुको लगानी रहेने गरी जलविद्युत आयोजना निर्माण गर्नका लागि विभिन्न सरोकारवाला निकायसँग समन्वय गर्नुपर्ने आवश्यकता रहेको छ । जिल्लामा भएका सम्भावनाहरुलाई एकिकृत गरेर तिनै तहको सरकारको संयुक्त लगानीमा विकासका कामहरु हुने वातावरण सृजनाको लागि आवश्यकतानुसार पहलकदमी गर्ने मन्त्री कार्कीले बताए ।

प्रकाशित मिति: सोमबार, फागुन ७, २०८० १७:२५

प्रतिक्रिया दिनुहोस्