सङ्खुवासभाका भोटे बने २०२४ को एमडिआरटी

अर्थतन्त्र

गृहपृष्ठ
अर्थतन्त्र
सङ्खुवासभाका भोटे बने २०२४ को एमडिआरटी

एमडिआरटी सङ्खुवासभाका भोटे बने २०२४ को एमडिआरटी

सोमबार, पुस १६, २०८० अरूण सन्देश

खाँदबारी । आइएमई लाइफ इन्स्योरेन्स कम्पनी सङ्खुवासभा शाखाका अभिकर्ता गेन्दा आङजुक भोटे मिलियन डलर राउण्ड टेबल (एमडिआरटी) सन् २०२४ को सदस्यमा बन्न सफल भएका छन्। भोटखोला गाउँपालिकाका भोटे आइएमई मार्फत एमडिआरटी सन् २०२४ को सदस्य बनेका हुन् ।
उनी विश्वको अभिकर्ताहरुको अन्तराष्ट्रिय छाता संगठन एमडिआरटी २०२४ को सदस्यमा हुन सफल भएका छन् । एमडिआरटी बन्नका लागि व्यावसायिक लक्ष्य सन् २०२४ का लागि ४१ लाख ७१ हजार ५०० रुपैयाँ रहेको थियो । भोटेले आफ्नाे कोडमा ४२ लाख भन्दा बढी बीमा शुल्क आर्जन गरेको खाँदबारी शाखाका प्रमुख अनिल कुमार ओझाले जानकारी दिए । एमडिआरटीका लागि २०२३ को जनवरी १ देखि डिसेम्वर ३१ सम्ममा तोकिएको लक्ष्य पुरा गर्ने बीमा अभिकर्ता मात्रै छनौट हुने व्यवस्था थियाे । एमडिआरटी सदस्य वनेका भोटेलाई शाखा कार्यालय खाँदबारीले सम्मान पत्रद्धारा सम्मान गरेको आइएमी लाइफ इन्स्योरेन्स खाँदबारी शाखाका प्रमुख ओझाले बताए । उनि थाइलेन्डकाे फुकेडमा हुने एक कार्यक्रममा समेत सम्मानित हुने छन् । जिल्ला बाट पहिलाे पटक आइएमईबाट सन् २०२३ को सदस्यमा सपना विश्वकर्मा र धनबहादुर रसाईली एमडिआरटी बन्न सफल भइसकेका छन् । दाेस्राे बर्ष पनि आइएमईबाटै भोटे एमडिआरटी बन्न सफल भएकाे शाखा प्रमुख ओझाले जानकारी दिए । एमाडिआरटी बनेका भोटेले भने–सबैको साथ सहयोगले एमडिआरटी बनेको छु, अब सन् २०२५ मा सिओटी बन्ने लक्ष लिएको छु ।
२०२५ को मिलियन डलर राउण्ड टेबल (एमडिआरटी) बन्नका लागि अब नेपालीहरुले न्युनतम पनि ४६ लाख ९२ हजार ९०० रुपैयाँ बीमा शुल्क आर्जन गर्नु पर्नेछ । एमडिआरटी निर्णायक समितिका अनुसार २०२५ को एमडिआरटी बन्नको लागि अभिकर्ताहरूले १५ लाख ६४ हजार ३०० रुपैयाँ कमिशन आर्जन गरेको हुनुपर्ने जनाएको छ । त्यस्तै एमडिआरटी ‘इन्कम’ आम्दानी २७ लाख ९ हजार ३०० रुपैयाँ हुनुपर्नेछ । यो टार्गेट चालु अंग्रेजी वर्ष २०२४ का लागि हो । सन् २०२५ मा यस्तो लक्ष्य पुरा गर्ने बीमा अभिकर्ताले एमडिआरटी ग्लोबल कन्फ्रेन्समा भाग लिन पाउने छन् ।
नेपालमा एमडिआरटी बन्नुलाई पनि प्रतिष्ठाकै विषयका रुपमा हेर्न थालिएको छ । एमडिआरटी बन्दा पुरा गर्नु पर्ने टार्गेटका लागि अभिकर्ताले सानोतिनो दुखः गरेर पुग्दैन । यसका लागि लगनशिलता, व्यावसायिक सिप, विषयवस्तु प्रतिको विज्ञताको पनि आवश्यक पर्छ ।