सङ्खुवासभामा मुख्यमन्त्री कप राष्ट्रिय पुरुष भलिबल प्रतियोगिता हुने

खेलकुद

गृहपृष्ठ
खेलकुद
सङ्खुवासभामा मुख्यमन्त्री कप राष्ट्रिय पुरुष भलिबल प्रतियोगिता हुने

राष्ट्रिय पुरुष भलिबल सङ्खुवासभामा मुख्यमन्त्री कप राष्ट्रिय पुरुष भलिबल प्रतियोगिता हुने

मंगलबार, पुस ३, २०८० अरूण सन्देश

खाँदबारी । सङ्खुवासभामा मुख्यमन्त्री कप राष्ट्रिय पुरुष भलिबल प्रतियोगिता सञ्चालन हुने भएको छ । कोशी प्रदेश खेलकुद विकास बोर्ड कोशी प्रदेशको आयोजनामा फाल्गुण १५ देखि १९ प्रतियोगिता हुने जिल्ला भलिबल संघ सङ्खुवासभाका अध्यक्ष मेदिनी घिमिरेले जानकारी गराए ।
प्रतियोगिताको आवश्यक खर्च व्यवस्थापन र प्रतियोगिता सञ्चालनका बारेमा मंगलबार सदरमुकाम खाँदबारीमा सरोकारवालाहरु सँग जिल्ला भलिबल संघ सङ्खुवासभाले छलफल गरेको छ । जिल्ला भविल संघ सङ्खुवासभाको संयोजन हुनलागेको प्रतियोगितामा ७ वटा प्रदेशका एक/एक प्रदेश टिम, नेपाल आर्मी, एपिएफ र नेपाल प्रहरी टिम सहितको १० टिमको सहभागिता रहने छ । खाँदबारीमा हुने प्रतियोगितामा प्रथम पुरस्कार नगद ३ लाख, द्धितीय पुरस्कार १ लाख ५० हजार, तृतीय पुरस्कार ५० हजार र चौथो पुरस्कार ३० हजार रुपौयाँका साथमा ट्रफि, मेडल, प्रमाण पत्र प्रदान गरिने अध्यक्ष घिमिरेले बताए । त्यसैगरी सर्वोत्कृष्ट पुरस्कार नगद २५ हजार र उत्कृष्ट ५ विधाले ५० हजार रुपैयाँ प्राप्त गर्ने छन् । ‘नेपालको राष्ट्रिय खेलः भलिबल’ भन्ने नाराका साथ सञ्चालन हुने लागेको प्रतियोगितामा ४२ लाख खर्च हुने जनाइएको छ ।
प्रतियोगिता सञ्चालनका लागि कोशी प्रदेश सरकारले नगद २० लाख रुपौयाँ सहयोग गर्ने भएको छ । बाँकी रकम स्थानिय तह, संघसस्था र अन्य विभिन्न दाताहरु सँग संकलन गर्ने लक्ष रहेको भलिबल संघका केन्द्रिय सदस्य प्रविन श्रेष्ठले बताए । पहिलो पटक जिल्लामा राष्ट्रिय भलिबल प्रतियोगता गर्नु जिल्लाका लागि मात्र नभए कोशी प्रदेशकै लागि महत्वपुर्ण रहेकाले प्रतियोगिता सम्पन्न गर्नका लागि सबैको सहयोगका अपेक्षाका केन्द्रिय सदस्य श्रेष्ठले अनुरोध गरेका छन् ।

प्रकाशित मिति: मंगलबार, पुस ३, २०८० १७:३३

#volleyball game

प्रतिक्रिया दिनुहोस्