अप्पर अरूणको पहुँचमार्ग निर्माणका लागि दुई हजार रूख हटाउन वन मन्त्रालयमा सिफारिस

समाज

गृहपृष्ठ
समाज
अप्पर अरूणको पहुँचमार्ग निर्माणका लागि दुई हजार रूख हटाउन वन मन्त्रालयमा सिफारिस

अप्पर अरूणको पहुँचमार्ग निर्माणका लागि दुई हजार रूख हटाउन वन मन्त्रालयमा सिफारिस

बिहीबार, मंसिर २८, २०८० अरूण सन्देश

संखुवासभा । भोटखोला गाउँपालिकामा निर्माण हुन लागेको एक हजार ६३ मेगावाट क्षमताको अप्पर अरुण आयोजनाको पहुँचमार्ग निर्माणका लागि दुई हजारभन्दा बढी रुख हटाउन वन मन्त्रालय सिफारिस गरिएको छ । आयोजनाको पहुँचमार्ग निर्माणका लागि भोटखोला–२ र ४ नम्बर वडाका राष्ट्रिय र सामुदायिक वनका दुई हजारभन्दा बढी रुख हटाउन डिभिजन वन कार्यालय संखुवासभाले वन मन्त्रालय सिफारिस गरेको हो ।
पहुँचमार्ग निर्माणका लागि भोटखोला–४ मा राष्ट्रिय वन तथा भोटखोला–२ मा पारिपाखा र माक्पालुङ सामुदायिक वन क्षेत्रले ओगटेको करिब २१.०८ हेक्टर क्षेत्रफलका दुई हजार १६८ रुख हटाउनु पर्ने देखिएपछि वन मन्त्रालय सिफारिस गरिएको डिभिजन वन कार्यालयका प्रमुख भीम कालीकोटेले जानकारी दिए । ठुलो सङ्ख्या रुख काट्नु परेमा वन मन्त्रालय र मन्त्रीपरिषदले निर्णय गर्नु पर्ने हुन्छ । मन्त्रीपरिषदले रुख काट्न अनुमति दिएपछि मात्र अप्पर अरुण आयोजनाले रुख काट्न पाउने उनको भनाइ छ ।
आयोजना सञ्चालनका क्रममा विकास सम्झौता (पिडिए) अनुसार रुख कटान भए पनि बिरुवा अर्को ठाउँमा रोपिनुपर्ने व्यवस्था रहेको उनले बताए ।

प्रकाशित मिति: बिहीबार, मंसिर २८, २०८० १५:३८

प्रतिक्रिया दिनुहोस्